කවියක් ය ජීවිතය . . .
ලා හිරු එළිය අතරින්
වන මල් සිනාසෙන උදෑසන
කිරි කළයක සුද ගත් නැවුම් සිතිවිල්ලෙන්
මුතු කැට අකුරින් ලියැවුණ
ගිනිගහන මද්දහනේ
තුරු සෙවනක
පාළු බංකුවකට වී
අකුරු කළ
මැදියම් රැයේ අදිසියෙන් ඇහැ ඇර
මේස ලාම්පුව අසල සිට
නිදිමතින් කැටයම් වුණ
සිනාසෙන විට සොම්නසින්
කලබලෙන් ඇදවුණ
සීරුවට ගලන කඳුළු වැල් අතරින්
බොඳ වුණු පිටුවක මතුවුණ
ඇතැමුන්ට වැටහෙන
ඇතැමුන්ට නොවැටහෙන
තවෙකෙකුට නීරස
තවත් කෙනෙකුට රස
වැඩි කහට
වැඩි සීනි
කිරි තේ කෝප්පයක්.
"වැඩි කහට
ReplyDeleteවැඩි සීනි
කිරි තේ කෝප්පයක්."
ඒක නම් පට්ට....
බොහෝමත් ම තැන්කියු වේවා රූපේ! සාදරයෙන් පිළිගන්නවා දෙපන්හිඳ ට!
Deleteඋඩ කවියක්ලු
ReplyDeleteයට තේ කෝප්පෙලු
සිනිත් වැඩියිලු
ඩයබටීස් එන්න කලින්
කැම පාලනය හොදයිලු...........
වැඩි කහට වැඩි සීනි කිරි තේ වලට සාකියා ආසයිලු
Deleteඒත් සමහරු එහෙම නැහැලු
කවියත් ඒ වගෙයිලු
ජීවිතය කවියක්ලු
සමහරුන්ට රහලු
සමහරුන්ට සීනි දැම්මත් තිත්තලු
ඩයබෙටිස් හැදෙන්න බෑලු
ඔය කිවුවට
එච්චරම බොන්නෙත් නෑලු යාළු . . . . . . . . . .
අපේ ඩැඩා වගේ ඒත් මට අඩු කහට අඩු සීනි. හිහි
ReplyDeleteමොන මගුලක්ද මංද වැඩි පැණි රහ කන්නෙම නෑ.
ඒත් හූ කියන්න මිරිස් දාපු කෑමක් නං ලොවෙත් අතාරින්නෑ හික්
ලස්සනය් කවිය
දානෙ ගෙවල් වලට ගියාම හූ කියන්න මිරිස් කනවා මමත්, හැබැයි ඇස් වලින් කඳුළු ගල ගල, නහය හූර හූර තමයි.
Deleteතැන්කියු හොඳේ!
අඩු කහට අඩු සීනි ශරීර සෞඛ්‍යයට ගුණයි නොවැ.
මේක හදිස්සියෙ ලියපු එකක්
ReplyDeleteම්ම්ම් . . . එහෙමමත් නෑ, නැත්තෙත් නෑ. හිතට ආපු දේ කොටලා දැම්මා. හි හි
Delete